Puteri Runduk

Ditulis dan di susun oleh, M. Nurdin Ahmad

Alkisah dahulu kalo  tasiar Nagari nan sangat makmur nan banamo kota guguk, kota Beriang  dan kota Muara nan ber ibu kota  Barus . Barus  di pimpin sa urang  Ratu  padusi nan banamo Ratu Jaya dana ,  konon caritonyo manuruk persi lain Ratu Jaya Dana adolah Puteri Runduk tu . curito ko adolah curito legenda nan dicuritokan sacaro  turun tamurun sampe saat kiniko.

Puteri Runduk ko urang nyo sangat rancak bana, sangkin rancaknyo sampe tasiar kasaluruh panjuru  Nagari, dan kecantikan puteri Runduk sampe  juo didanga oleh Rajo  Janggi nan barasal dari Negari Sudan dan Rajo dari katurunan Cino .  Rajo  janggi dan Rajo dari cinoko baka inginan untuk maminang Putri Runduk nan rancak rupawan ko, namun Puteri Runduk jelas  - jelas manulak pinangan  sidak dek karano dari Akidah sajo alah babeda, munuruk carito puteri Runduk ko alah ba agama Islam.

Kironyo Rajo  Sanjaya dari Kerajaan Jawo Mataram  pun tong juo anyo mandanga Kecantikan Puteri Runduk ko tadi dan datang juo untuk maminang Puteri Runduk , namun tatap ditulak oleh Puteri Runduk . Akhir nyo Rajo sanjaya cemburu dan murka,  karano  Raja Janggi dan Rajo dari Cino tu telah duluan nandak maminang Puteri Runduk , Rajo sanjaya akhir nyo manyarang dan memporak porandakan pasukan Raja janggi nan barasal dari sudan dan Rajo dari Cino ko , sahinggo balarian lah sidak , ado nan tunggang langgang kalawik, ado nan basondok kahutan, sarupo nan dikisahkan di dalam carito Pahariangan nan ditulis di daun lontar dalam bahaso sunda . Dan  talah ditelusuri juo oleh sarjana Polytes  dan di salinjuo oleh Prof .Dr Purbo Coro 734 M, Rajo Sanjaya anak sena Mamparoleh Kamanangan  dari kerajaan Bali, Bima, Melayu, Keling, Barus, dan Cino.  Singkek Carito Puteri Runduk di Ditawan oleh Rajo sanjaya,  bakiro  sair  pantun ko.

  

                                                                  pulau Mursala

                                   

Kota guguk Kota Beriang

Katigo kota di muaro

Ayam bakukuk tandonyo siang

Puteri Runduk ditawan Jawo

Didalam kakacauan tu Puteri Runduk basamo Pengawal setianyo banamo Sikambang Bandaharo dapek malarikan diri naik biduk ka Pulau Mursala, namun didalam pelarian tu tadi baceceran barang barang nyo sarupo  kain , salendang dan seterika. Sejalan jongon waktu Dipulau Mursala tu dibangun sidak  Mahligai dan kerajaan .

  

Samantaro di tapian Rajo Janggi tarus mamimpikan puteri Runduk sahinggo ala bakiro urang kamatian bini  duduk salah , makan indak lamak, tidu indak mau nyanyak macam  pantun nan balahek lahek ko,

Atok nan indak taratokkan

Atok nan dari kabun palak

Mato nan indak talalokkan

Mandanga kukuk ayam jalak  

Pulau puteri pulau panginang

Katigo pulau anak janggi

Lapik putih banta bamiang

Racun bamain di dalam hati

Guruh Patus Manubo Limbek

Pandan tasanda di subarang

Tujuh ratus carikan ubek

Badan batamu makonyo sanang

Satelah sakian lamo Rajo janggi mancari kaberadaan Puteri Runduk ,  akhir nyo kabar  Puteri ditamukan nyo juo di pulao Mursala . Rajo Janggi nan alah  sangat jatuh hati pado Puteri Runduk akhirnyo mangapung Kerajaan tu. Namun kironyo Puteri Runduk indak hilang akal bamusyawarah inyo samo Sikambang bandaharo dan dimintanyo lah syarat ka Rajo janggi  untuk  manyatukan Pulau Mursala katapian . Dek sangkin cintanyo ka Puteri Runduk akhirnyo disiapkannyo rantai gadang  di kabek kannyo pas di tangah tangah pulau mursala dan di tariknyo pulau mursalako tadi dari bukit  samampolu , hari demi hari , minggu demi minggu hinggo bulan pun berlalu pulau Mursalako indak juo tatarik nyo . Rajo Janggi indak mau kalah tatap di datanginyo Puteri Runduk, dalam hatinyo ala kapalang basah sapolonyo banala.

                                                             Mursala tampak dari samping

Sipasan baranak  putih

Jatuh kalantai potong duo

Pacah sampan ganti jo upih ( mayang pinang)

Namun pulau di hadang juo

Sawaktu Rajo janggi nandak mamaluk kan Puteri Runduk, samakin Bancila Puteri ka Rajo Janggi , sampai akhir nyo Puteri Runduk mahampok Raja Janggi jongon tungkeknyo nan tabuek dari akar bahar sahinggo Rajo Janggi manjadi batu dan Puteri Runduk manyilam kadasar lawik dan indak kembali lai, pengawal pribadi Putri Runduk Sikambang Bandaharo sangat sadih hati nyo dan tarus maratopi kepergian Putri Runduk .

Tinggal lah sabungkus nasi puteri Runduk itu dan kini telah menjadi pulau yaitu Pulau situngkus. Talam nyo manjadi Pulau Talam, kain nan baserakan jadi Pulau Lipek Kain, pulau setrika, dan pulau Putri.

                                                                         Pulau Situngkus

Labekla hujan di mursala

Kambang lah bungo Parawitan

Bintang di langik nan punyo salah

Ombak di lawik mananggung kan

Pulau baka pulau situngkus

Katigo pulau lipek kain

Sauh caka pandarat putus

Labuhan bakisar kanan lain

NB =

Manurut carito turun tamurun, bahwa music sikambang pasisi Tapanuli Tengah Siboga barasal dari Namo Sikambang Bandaharo .

Irama sikambang di mainkan oleh limo  urang

Terdiri dari Tiga pemain gendang, satu pemain biola dan satu orang pemain akordion.